X ကုမ္ပဏီ ဆန်ဖရန်စစ်စကို,ကို တကယ်နှုတ်ဆက်ပြီ

ပြီးခဲ့တဲ့ နှစ်ပတ်က Build Myanmar Media မှာ ဖော်ပြခဲ့တဲ့ ‘အသိုက်ပြောင်းတော့မဲ့ အီလွန်မက်စ်ခ်’ အမည်ရ သတင်းကို စာဖတ်သူတို့ တွေ့မိကြမယ်ထင်ပါတယ်။ အီလွန်မက်စ် ပိုင်တဲ့ လုပ်ငန်းတွေထဲက SpaceX နဲ့ X (ယခင်တွစ်တာ) ကုမ္ပဏီတွေက လက်ရှိအချိန်ထိ အမေရိကန်ပြည်ထောင်စု၊ ကယ်လီဖိုးနီးယားပြည်နယ်မှာ ရုံးစိုက်လည်ပတ်နေတာပါ။ ဒါပေမဲ့ ပြီးခဲ့တဲ့ လပိုင်းက စလို့ ကယ်လီဖိုးနီးယားပြည်နယ်ရဲ့ စီးပွားကူးသန်းဥပဒေတွေမှာ အပြောင်းအလဲတွေ၊ ပြဋ္ဌာန်းချက်အသစ်တွေ ရှိလာပြီး အဲဒီအပြောင်းအလဲတွေနဲ့ အီလွန်တို့ မကိုက်တာမို့ တက်ဆက် (Texas) ကို ပြောင်းတော့မယ်လို့ 'သတင်းသဲ့သဲ့' ထွက်နေတာ ဖြစ်ပါတယ်။ အခုတော့ အဲဒီသတင်းက အတည်ဖြစ်သွားပါပြီ။

အီလွန်မက်စ်ခ်က သူပိုင်တဲ့ X ကုမ္ပဏီရဲ့ ဆန်ဖရန်စစ်စကိုက ရုံးချုပ်ကို တရားဝင်ပိတ်လိုက်ပြီး ဝန်ထမ်းအားလုံးကို နေရာရွေ့ပြောင်းဖို့ စီစဉ်နေပါတယ်။ တွစ်တာလို့ လူသိများပြီး ကမ္ဘာ့လူသုံးအများဆုံး ဆိုရှယ်မီဒီယာပလက်ဖောင်းတွေထဲက တစ်ခုဖြစ်ခဲ့တဲ့ X ဟာ သူ့ရဲ့ မွေးရပ်မြေဖြစ်တဲ့ ဆန်ဖရန်စစ်စကိုကို ခွဲခွာရတော့မှာပါ။ အခွန်နဲ့ ပတ်သက်လို့ ထပ်တိုးမြှင့်တင်ထားတဲ့ ပြည်နယ်ဆိုင်ရာ ပြဋ္ဌာန်းချက်တွေအပါအဝင် တခြားစီးပွားကူးသန်း ဥပဒေတွေကြောင့် ဆန်ဖရန်စစ်စကိုကို ထွက်ခွာတဲ့ မြို့တွေထဲမှာ Stripe နဲ့ Block တို့လို ငွေပေးချေရေး ကြားခံကုမ္ပဏီတွေလဲ ပါဝင်ပါတယ်။ X ကုမ္ပဏီ ထွက်ခွာရတဲ့ အကြောင်းအရင်းတွေထဲမှာတော့ ရုံးချုပ်အနီးတစ်ဝိုက်က လမ်းတွေရဲ့ အခြေအနေနဲ့ အိမ်ခြေယာမဲ့ဦးရေ ထူထပ်မှု၊ ရာဇဝတ်ထူပြောမှုတို့ကြောင့်လဲ ပါဝင်တယ်လို့ အီလွန်မက်စ်ခ်က ပြောပါတယ်။

X ရဲ့ ဝန်ထမ်းတွေကတော့ ယခင်က စီစဉ်ထားတဲ့ တက္ကဆက်က ရုံးချုပ်အသစ်ဆီကို ချက်ချင်းမပြောင်းရသေးဘဲ လက်ရှိ ဆန်းဂျို့စ် (San Jose) နဲ့ ပါလို အယ်လ်တို (Palo Alto) က ရှိနှင့်ပြီးသား ရုံးခွဲတွေဆီ ခေတ္တအခြေချထားနှင့်ရမှာပါ။ ရုံးခန်းတွေကိုတော့ အီလွန်ရဲ့ နောက်ထပ်ပရော့ဂျက်တစ်ခု ဖြစ်တဲ့ xAI ဉာဏ်ရည်တုနည်းပညာကုမ္ပဏီနဲ့ တွဲဘက်အသုံးပြုရမှာ ဖြစ်ပါတယ်။ ဒီအပြောင်းအလဲကလဲ လာမဲ့ အပတ်အတွင်းမှာ ဖြစ်ဖို့များနေတာပါ။

References: KTVU FOX 2 San Francisco. (2024, August 6). X to leave San Francisco, but will remain Bay Area based. https://www.ktvu.com/news/x-leave-sf

အီလွန်မက်စ်၊ အေအိုင်နဲ့ တခြားဆက်စပ်အကြောင်းအရာတွေကို ဆက်ဖတ်ချင်သူဆိုရင် အောက်က စာတွေကို ညွှန်းပေးပါရစေ။

အသိုက်ပြောင်းတော့မဲ့ အီလွန်မက်စ်ခ်

ရိုက်တာ၊ လော့စ်အိန်ဂျလိစ်နဲ့ တိုင်းမ်တို့လို နာမည်ကြီး သတင်းဌာနတွေက ဖော်ပြချက်တွေအရတော့ အီလွန်မက်စ်ခ်တစ်ယောက် သူ့လုပ်ငန်းတွေရဲ့ ဌာနချုပ်တွေကို မကြ

Build Myanmar - MediaMin Z

‘လူဆန်တဲ့ စက်ရုပ်တွေ’ ကို မကြာခင် ဈေးကွက်ထဲ ပမာဏများများနဲ့ ဝယ်ယူနိုင်တော့မယ်လို့ အီလွန်မက်စ်ခ် ပြော

အီလွန်မက်စ်ခ်က တက်ဆလာရဲ့ ဉာဏ်ရည်တုနည်းပညာကို အခြေခံထားတဲ့ . . . လူတွေနဲ့ ပိုဆင်ပြီး လူပိုဆန်တဲ့ စက်ရုပ်မော်ဒယ်တွေကို မကြာခင် နှစ်ပိုင်းထဲတင် ဈေးကွက်ပေ

Build Myanmar - MediaMin Z

ကယ်လီဖိုးနီးယားပြည်နယ်၊ တောင်ပဆာဒီးနားမြို့ ရဲတပ်ဖွဲ့က ရဲကားအကုန်လုံးကို လျှပ်စစ်ကားတွေနဲ့ ပြောင်းလဲအသုံးပြု

ကယ်လီဖိုးနီးယားပြည်နယ်၊ တောင်ပဆာဒီးနားမြို့ (South Pasadena) မြို့က သူတို့မြို့ခံရဲတပ်ဖွဲ့မှာ အသုံးပြုတဲ့ ရဲကားတွေအကုန်လုံးကို လျှပ်စစ်ကားတွေနဲ့ ပြောင်းလိုက်ပြီး အမေရိကန်

Build Myanmar - MediaMin Z

Build Myanmar Media ရဲ့ Update လုပ်ဆောင်ချက်တွေအတွက်

📌Facebook https://www.facebook.com/buildmyanmar

📌YouTube https://youtube.com/@buildmyanmarmedia?si=pdavs8BA4OUVAs9c

📌LinkedIn https://www.linkedin.com/showcase/build-myanmar/

📍နည်းပညာ၊ Startup နဲ့ ပတ်သက်တဲ့ အကြောင်းအရာတွေကို အောက်ပါ Groupထဲမှာ ဝင်ရောက်ဆွေးနွေးနိုင်ပါတယ်။ https://t.me/+6_0G6CLwrwMwZTIx

📍လူမှုအဖွဲ့အစည်းအတွက် အပြုသဘောဆောင်သောအကြံပြုချက်များကို အောက်ပါ Mail ကနေ ဆက်သွယ်ပေးပို့နိုင်ပါတယ်။

Inquiry - support@buildmyanmar.com