ဥပဒေကို အေအိုင်နဲ့ ရေးတဲ့ ကမ္ဘာ့ပထမဆုံးနိုင်ငံ - ယူအေအီး

ယူအေအီးနိုင်ငံအစိုးရက ကမ္ဘာ့ပထမဆုံးအဖြစ် ဥပဒေတွေ ရေးဆွဲတာနဲ့ ပြင်ဆင်တာတွေမှာ ဉာဏ်ရည်တု (AI) ကို တရားဝင်သုံးတော့မယ်လို့ ဒီနေ့မှာပဲ ကြေညာလိုက်ပါတယ်။ အစိုးရအရာရှိတွေက ဒီ AI စနစ်ကြောင့် ဥပဒေလုပ်ငန်းစဉ်တွေက ၇၀% လောက် ပိုမြန်လာမယ်လို့ ခန့်မှန်းထားပြီး ဥပဒေတွေက ပြည်သူတွေရဲ့ ဘဝနဲ့ စီးပွားရေးအပေါ် ဘယ်လိုသက်ရောက်သလဲဆိုတာကိုလဲ နေ့စဉ် စောင့်ကြည့်သွားမယ်လို့ သိရတာပါ။

ယူအေအီးအစိုးရရဲ့ ဝန်ကြီးအဖွဲ့က စောင့်ကြပ်ရေးကော်မတီကို တရားဝင်ဖွဲ့စည်းလိုက်ပြီး ဒီကော်မတီဟာ AI နည်းပညာသုံးပြီး ဥပဒေပြုစုတဲ့ စနစ်ကို အဓိက ကြီးကြပ်သွားမှာ ဖြစ်ပါတယ်။ ဒါ့အပြင် အစိုးရဌာနတွေ၊ ဒေသအာဏာပိုင်တွေနဲ့ ပုဂ္ဂလိကကဏ္ဍတွေမှာပါ ပူးပေါင်းပြီး AI နည်းပညာ အခြေခံတဲ့ ဥပဒေပြုလုပ်ငန်းစဉ်တွေကို လုပ်ဆောင်သွားမှာပါ။ ဒါ့အပြင် ဖက်ဒရယ်နဲ့ ဒေသဆိုင်ရာ ဥပဒေတွေကိုလဲ တရားရုံးဆုံးဖြတ်ချက်တွေ၊ အုပ်ချုပ်ရေးလုပ်ထုံးလုပ်နည်းတွေနဲ့ ပြည်သူ့ဝန်ဆောင်မှုတွေနဲ့ ချိတ်ဆက်ပြီး ကဏ္ဍပေါင်း ၂၀ လောက်မှာ ဥပဒေတွေရဲ့ အကျိုးသက်ရောက်မှုကို အချိန်နဲ့တပြေးညီ စောင့်ကြည့်သွားမှာ ဖြစ်ပါတယ်။

ငလျင်ဘေးကို Build Myanmar နဲ့ အတူကူပါ

မြန်မာနိုင်ငံသားတွေ ကြုံတွေ့ခံစားနေရတဲ့ ငလျင်ဘေးကို Build Myanmar နဲ့အတူ နိုင်ငံတကာမှာ ရှိနေသူတွေ ပါဝင်ကူညီဖို့ ဖိတ်ခေါ်လိုက်ရပါတယ်။ လောလောဆယ် ရန်ပုံငွေတစ်ရပ် ထူထောင်ထားတာကို ပါဝင်ဖို့ ပုံမှာပါတဲ့ QR code ကို စကင်န်ဖတ်ပါ။

ယူအေအီးရဲ့ AI သုံးတဲ့ ဥပဒေပြုရေးစနစ်ကို နိုင်ငံတကာ မူဝါဒသုတေသနဌာနတွေနဲ့ ချိတ်ဆက်ထားမှာဖြစ်သလို နိုင်ငံတကာစံနှုန်းတွေနဲ့ နှိုင်းယှဉ်ပြီး ယူအေအီးရဲ့ ဥပဒေတွေကို ခေတ်မီအောင် ပြင်ဆင်သွားမယ် ဆိုပါတယ်။ ဒီစနစ်ကြောင့် ပြည်တွင်းဥပဒေတွေကို နိုင်ငံတကာစံနှုန်းတွေနဲ့ အလိုအလျောက် နှိုင်းယှဉ်နိုင်ပြီး ဥပဒေဆိုင်ရာ ကွာဟချက်တွေကို ရှာဖွေနိုင်သလို တခြားနိုင်ငံတွေရဲ့ အောင်မြင်တဲ့ ဥပဒေပုံစံတွေကို ယူအေအီးရဲ့ အခြေအနေနဲ့ လိုက်ဖက်အောင် ပြောင်းလဲအသုံးချနိုင်မှာလဲ ဖြစ်ပါတယ်။

အစိုးရပြောရေးဆိုခွင့်ရှိသူ ဟူဆိန် အယ်လ်မာဆွတ်ဒ်က "ဒီ AI စနစ်က ယူအေအီးရဲ့ ဥပဒေပြုရေးနဲ့ အုပ်ချုပ်ရေးမှာ ခေတ်သစ်တစ်ခုကို စတင်ပေးမှာပါ" လို့ ပြောပါတယ်။ "ဉာဏ်ရည်တုနည်းပညာကို သုံးတာကြောင့် ကျွန်တော်တို့ရဲ့ ဥပဒေတွေကို ပိုမြန်မြန်ပြင်ဆင်နိုင်ပြီး လူမှုစီးပွားရေး အပြောင်းအလဲတွေနဲ့အညီ ချက်ချင်း ပြောင်းလဲနိုင်မှာပါ။ ဒီဆန်းသစ်တီထွင်မှုက ဥပဒေတွေကို အတိတ်က စာအုပ်ထဲမှာပဲ ပိတ်မိနေစေတဲ့ပုံစံကနေ ခေတ်နဲ့အညီ အသက်ဝင်နေတဲ့ စနစ်တစ်ခုအဖြစ် ပြောင်းလဲပေးမှာပါ" လို့ သူက ထပ်ပြောခဲ့ပါတယ်။

 Reference: UAE to become first country in world to use AI to write laws. (n.d.). Perplexity AI. https://www.perplexity.ai/page/uae-to-become-first-country-in-1nR9WUVGRgCTcjMGFFQ9rg

ဆက်လက်ဖတ်ရှုဖို့

အေအိုင်နဲ့ ပေါင်းပြီး ကင်ဆာရောဂါကို ထောက်လှမ်းနိုင်ခဲ့တဲ့ ခွေးတွေ . . .

SpotitEarly has developed an experimental screening method that pairs Labrador retrievers with artificial intelligence to detect cancer odors carried on patients’ breaths.

Build Myanmar - MediaMin Z

Build Myanmar Media: Daily News - Sharing Myanmar's Important News Daily

Build Myanmar Daily News brings you the most crucial updates from Myanmar and around the world every day. An essential news source for Myanmar citizens who want to stay informed. Sign up now to get the latest insights directly to your mailbox from the Myanmar's No.1 Tech and Business News source. ? New updates every day before 9:00 pm, MMT. ? Read on:

Website: https://www.buildmyanmarmedia.com/
Facebook: https://www.facebook.com/buildmyanmar
YouTube: https://youtube.com/@buildmyanmarmedia
Telegram: https://t.me/+6_0G6CLwrwMwZTIx
Inquiry: info@buildmyanmar.org

#BuildMyanmarNews #DailyNewsMyanmar #MyanmarUpdates #MyanmarNews #BuildMyanmarMedia #MyanmarNews #GlobalNews #TechNewsMyanmar #BusinessNewsMyanmar #Updates #Insights #Media #MyanmarMedia