ဘရာဇီးမှာ X (ယခင်တွစ်တာ) အသုံးပြုမှုကို တရားဝင်တားမြစ်လိုက်

သတင်းရင်းမြစ်တွေရဲ့ ဖော်ပြချက်တွေအရ ဘရာဇီးနိုင်ငံရဲ့ တရားရုံးချုပ်ကနေ အီလွန်မက်ခ်စ်ရဲ့ ဆိုရှယ်မီဒီယာ ပလက်ဖောင်း X (ယခင်တွစ်တာ) ကို ဘရားဇီးနိုင်ငံထဲမှာ ကန့်သတ်တားမြစ်လိုက်ပါတယ်။ အီလွန်မက်စ်ခ်ရဲ့ X နဲ့ အစိုးရဘက်က တရားသူကြီး အလက်ဇ္ဒြား ဒီ မိုရေးတို့ကြား လွတ်လပ်စွာ ပြောဆိုပိုင်ခွင့်နဲ့ ကွန်းတန့်ထိန်းချုပ်ခွင့်ကြား တရားရင်ဆိုင်ခဲ့ကြတာပါ။

ပြီးခဲ့တဲ့ ဩဂုတ်လ ၃၀ ရက်နေ့မှာပဲ ဘရာဇီးအစိုးရရဲ့ တရားရုံးချုပ်ကနေ X ဟာ ၂၄ နာရီအတွင်း တရားရုံးရင်ဆိုင်ခြင်း မရှိတဲ့အတွက် ဘရာဇီးနိုင်ငံကနေ တရားဝင်တားမြစ်ကြောင်း စီရင်ချက် ချလိုက်ပါတယ်။ ဒီ စီရင်ချက်အပြီးမှာ ဘရာဇီးထဲ အင်တာနက်ဝန်ဆောင်မှု ပေးအပ်တဲ့ ကုမ္ပဏီတွေနဲ့ App Store တွေ အကုန်လုံး ငါးရက်အတွင်းမှာ X ပလက်ဖောင်းကို ဖြုတ်ချဖို့လဲ အမိန့်ချမှတ်ထားတာပါ။

ဘရာဇီးဥပဒေအရ တိုင်းပြည်ထဲမှာ လာရောက်အခြေချထားတဲ့ နိုင်ငံခြားကုမ္ပဏီတွေအနေနဲ့ တရားရေး ရင်ဆိုင်နိုင်တဲ့ ကိုယ်စားလှယ် တစ်နည်း ရှေ့နေ ထားရှိထားရပါတယ်။ ဒါပေမဲ့ အီလွန်မက်စ်ခ်တို့ရဲ့ X ကတော့ အဲဒီလို ကိုယ်စားလှယ် မရှိနေဘဲ တရားရုံးကို ဆင့်ခေါ်ချိန်မှာလဲ သတ်မှတ်ချိန်အတွင်း မလာရောက်ခဲ့လို့ အခုလို အမိန့်ချလိုက်တာပါ။ ဘရာဇီးနိုင်ငံဟာ X အသုံးပြုသူ ဦးရေ သန်း ၄၀ ကျော် ရှိတာမို့ အခုလို တားမြစ်ကန့်သတ်ခံလိုက်ရတာဟာ ကုမ္ပဏီအတွက်တော့ အတော်လေး ထိခိုက်နိုင်ပါတယ်။

Reference: X banned in Brazil. (n.d.). Perplexity AI. https://www.perplexity.ai/page/x-banned-in-brazil-Eb43fK8KTiieDPbPCd93PA