ဒေါ်လာဘီလျံ ၂၅၀ ရှုံးသွားတဲ့ Apple
အမေရိကန်သမ္မတ ဒေါ်နယ်ထရမ့်ရဲ့ နိုင်ငံတကာကုန်သွယ်ရေး အခွန်တိုးမြှင့်မှုကြောင့် နည်းပညာကုမ္ပဏီကြီး Apple ရဲ့ စျေးကွက်တန်ဖိုး ဒေါ်လာဘီလျံ ၂၅၀ အထိ ထိုးကျသွားခဲ့ကြောင်း TechCrunch က ဒီနေ့ သတင်းထုတ်ပြန်ပါတယ်။ အခွန်တိုးမြှင့်မှုကြောင့် ကုမ္ပဏီရဲ့ ရှယ်ယာဈေးနှုန်းဟာ ၈.၅ ရာခိုင်နှုန်းအထိ ကျဆင်းသွားခဲ့ပြီး ထုတ်ကုန်ဈေးနှုန်းတွေကို ၄၀ ရာခိုင်နှုန်းအထိ တိုးမြှင့်ရနိုင်တဲ့ အနေအထားရှိနေကြောင်း သိရတာပါ။
ထရမ့်ရဲ့ အခွန်တိုးမြှင့်ချက်အရ တရုတ်နိုင်ငံကနေ တင်သွင်းတဲ့ပစ္စည်းတွေကို အခွန် ၅၄ ရာခိုင်နှုန်း၊ ဗီယက်နမ်က တင်သွင်းတဲ့ပစ္စည်းတွေကို ၄၆ ရာခိုင်နှုန်း၊ အိန္ဒိယကနေ တင်သွင်းတဲ့ပစ္စည်းတွေကို ၂၆ ရာခိုင်နှုန်း အသီးသီး တိုးကောက်သွားမှာ ဖြစ်ပါတယ်။ လက်ရှိ Apple ကုမ္ပဏီဟာ သူ့ရဲ့ အိုင်ဖုန်းထုတ်လုပ်မှု ၈၅ ရာခိုင်နှုန်းကို တရုတ်နိုင်ငံမှာ ပြုလုပ်နေပြီး ကျန် ၁၅ ရာခိုင်နှုန်းကို အိန္ဒိယနိုင်ငံမှာ ထုတ်လုပ်နေတာမို့ အခွန်တိုးကောက်မှုကို အပြင်းအထန်ခံစားရမှာပါ။
Apple တစ်ခုတည်း မဟုတ်ဘဲ နာမည်ကြီး နည်းပညာကုမ္ပဏီကြီးတွေဖြစ်တဲ့ Google၊ Amazon၊ Meta၊ Microsoft နဲ့ Nvidia တို့ရဲ့ ရှယ်ယာဈေးတွေလည်း သိသိသာသာ ကျဆင်းသွားခဲ့ပါတယ်။ ကုမ္ပဏီကြီး ခုနစ်ခုပေါင်း ဆုံးရှုံးမှုဟာ ဒေါ်လာဘီလျံ ၈၀၀ အထိ ရှိခဲ့ကြောင်း Wedbush ငွေကြေးစျေးကွက် လေ့လာရေးအဖွဲ့က သုံးသပ်ထားတာပါ။ အခုလို အခွန်တိုးမြှင့်မှုတွေဟာ အမေရိကန်နိုင်ငံရဲ့ နည်းပညာကဏ္ဍအပေါ် သိသာတဲ့ ထိခိုက်မှုတွေ ဖြစ်စေနိုင်တယ်လို့တော့ ကျွမ်းကျင်သူတွေက ထောက်ပြနေကြပါတယ်။
ဆက်လက်ဖတ်ရှုဖို့
ထရမ့်အစိုးရ နိုင်ငံတကာ ကုမ္ပဏီအခွန်စနစ်ကနေ ထွက်ခွာ
The US withdrawal from the OECD’s global corporate tax agreement, established under the Biden administration in 2021, has raised significant questions about its impact on the US economy.
Min Z
အသိပေးမှု
ဒီအပတ်တွေထဲ သတင်းတင်ဆက်မှုတွေ ရပ်တန့်နေခဲ့လို့ Build Myanmar - Media ရဲ့ ဖတ်ရှုသူတွေကို အနူးအညွတ်တောင်းပန်ပါတယ်။ ဧပြီပထမအပတ်က စလို့ သတင်းကဏ္ဍကို ပုံမှန်ပြန်လည်တင်ဆက်သွားပါမယ်။
Build Myanmar Media: Daily News - Sharing Myanmar's Important News Daily
Build Myanmar Daily News brings you the most crucial updates from Myanmar and around the world every day. An essential news source for Myanmar citizens who want to stay informed. Sign up now to get the latest insights directly to your mailbox from the Myanmar's No.1 Tech and Business News source. ? New updates every day before 9:00 pm, MMT. ? Read on:
Website: https://www.buildmyanmarmedia.com/
Facebook: https://www.facebook.com/buildmyanmar
YouTube: https://youtube.com/@buildmyanmarmedia
Telegram: https://t.me/+6_0G6CLwrwMwZTIx
Inquiry: info@buildmyanmar.org
?
? Building an Informed Myanmar, One Story at a Time!
#BuildMyanmarNews #DailyNewsMyanmar #MyanmarUpdates #MyanmarNews #BuildMyanmarMedia #MyanmarNews #GlobalNews #TechNewsMyanmar #BusinessNewsMyanmar #Updates #Insights #Media #MyanmarMedia
Members Discussion